Saan ka ba Natatakot?

Matatapos ang isang pangungusap sa TULDOK.

Hindi sa KUWIT.

Hindi sa TANDANG PANONG.

Hindi sa TANDANG PADAMDAM.

Matatapos ang lahat sa TULDOK.

Sanay kaming sabay-sabay kumakain ng tanghalian o hapunan.
Ito rin ang nagiging instrumento sa amin para makapag-usap, magkamustahan, magtawanan at magbigay ng kanya-kanyang saloobin.

"Bawas-bawasan mo na ýang pagyoyosi mo!" Sabi ng Nanay ko sa akin. Mag-iisang dekada na yata akong naninigarilyo. Matagal na. Hindi ko na matandaan.

Masama, Oo.

May kamahalan, Oo.

Hihina ang baga, Oo.

Walang magandang maidudulot, Oo.

Sa madaling salita, kapag naninigarilyo ka, maaga kang mawawala.

Pero bakit nga ba ako naninigarilyo?
Hindi ko rin alam. Basta, ito lang ang kapiling ko kapag malungkot, masaya o naiinip. Alam niya ang lahat sa akin at alam ko rin ang lahat sa kanya. Tayo na lang kaya? Baka saýo may Forever. Haha!

"Mamatay ka kung mamatay ka" Balik ko. Binilinan ko na rin siya na may makukuha siya sa trabaho kung sakaling mawala ako. Lakarin niya rin ang SSS at PAG-IBIG benefits ko dahil sayang din ang makukuha doon. Nagtawanan kaming lahat maliban sa Nanay ko.
Tumahimik. Nakatingin lang sa TV. Umiiyak.

Tinanong ko siya kung bakit siya umiiyak dahil nagbibiruan lang naman kami. "Hindi niyo alam kung gaano kasakit sa isang magulang ang mawalan ng anak." Seryosong sabi. Huminto ako. Hindi ko alam kung anong hugot o saang teleserye niya nakuha ang linyang ýon.
Tumingin ako sa kanya at biniro "Basta kapag nawala ako, Ma. Hindi mo na maiisip na wala na ko kasi marami ka ng pera non."

Biglang sumagi sa isip ko, handa na nga ba akong mawala?

Kaya ko bang iwanan ang Nanay ko?

Kung mawawala ako, paano na siya?

Lagi kong sinasabi, mamatay ka kung mamatay ka. Hinahanda ko palagi ang bawat posibilidad na magyayari. Pero bakit sa puntong pinag-uusapan namin ito, natatakot ako?

Natatakot akong mawala.

Natatakot akong makita ang Nanay ko na umiiyak ng ako ang dahilan.

Natatakot ako.

Natatakot.

Takot.

Tuldok.

Nawala ang Tatay ko ng biglaan dalawang taon na ang nakakaraan. Pumunta lang ng Hospital dahil may scheduled check-up. Hindi na nakauwi. Nang makauuwi, ABO na lang.

Mula noon, sabi ko sa sarili ko, kailangan nating sulitin ang bawat segundong kasama ang Pamilya, gawin ang gustong gawin, magmahal ng magmahal, magbigay at tumanggap.
Dumating man ang puntong kinakatakutan mo, hindi ka mawawala ng malungkot dahil namuhay kang may pagmamahal at namuhay kang may dahilan. 

Matatapos ang isang pangungusap sa TULDOK.

Hindi sa KUWIT.

Hindi sa TANDANG PANONG.

Hindi sa TANDANG PADAMDAM.

Matatapos ang lahat sa TULDOK.

Ikaw, saan ka ba NATATAKOT?







Mga Komento

Mag-post ng isang Komento

Mga sikat na post sa blog na ito

Hilot na May Kasamang Bulong o Tawas na May Kasamang Dasal?

May mga paniniwala na walang batayan at hindi pa napapatunayan! Hindi naman masamang maniwala sa mga tradisyonal na ritwal na ginagawa ng mga matatanda kung may nararamdaman ang isang tao. Hilot na may kasamang bulong at tawas na may kasamang dasal na sila lamang ang nakakaintindi at nakakarinig. Hilot na may kasamang bulong-  naalala ko nung bata ako, nagpahilot ako dahil sa haka-haka ng mga kapitbahay namin baka may pilay o nausog. Bago niya ako hinilot ay binulungan muna ako sa may ulo tsaka sinimulan ang paghilot. Nagtataka pa ko kung bakit siya bumubulog sa akin na siya lamang ang nakakarinig at nakakaintindi. Gumaling naman ako pagtapos niya akong hilutin pero nilagnat ulit ng nakalipas ang ilang araw. Tawas na may kasamang dasal - Dahil nga hindi ako gumaling sa hilot na may kasamang bulong napagdesisyunan na nila na magpatawas na ako. Baka daw kasi may nabati ako o natapakang mga bagay na hindi nakikita. Tumawag nga sila ng magtatawas. Tinawas nga ako.  Humingi ang
Magbasa nang higit pa

SIRENA ni Gloc-9

Imahe
Ako'y isang sirena Kahit anong sabihin nila ako ay ubod ng ganda Ako'y isang sirena Kahit anong gawin nila bandera ko'y di tutumba Hindi ako fan ni Gloc-9. Hindi ako mahilig sa mga rap na kanta ngunit nang narinig ko itong trending na bago nyang kanta, wala akong masabi kung hindi IBANG-IBA SA MA IBANG KANTA. Hindi ko sinasadyang maparingan ang kantang ito. Pinatugtog lamang ng batang hindi mo aakalain na maiintindihan ang kantang ito sa youtube . Pinarinig nya sa akin. Pinaringgan ko naman. Sinabi din nya na, "ang ganda nitong kanta na to. Pero bakit sirena? " Madami syang sinabi mga sampong sako. Hindi ko na matandaan kung ano ang mga laman nito. Hindi ko sinagot dahil hindi ko rin alam kung bakit sirena ang hinahalimbawa nila sa Third Sex na kontrobersyal ngayon. di na ko magugulat kung maging Pinoy Legend ka Gloc 9. *slow clap* Good job! Madamdamin at malaman ang lyrics nito. KUDOS!!! legend!! IDOL watta message,, so amazing its all about
Magbasa nang higit pa

Rest in Peace "Hari ng Komedya" Dolphy Quizon

Imahe
Si Rodolfo V. Quizon o mas kilala bilang Dolphy Quizon ay isang sikat na artista sa larangan ng komedya sa Plipinas. Sya din ay tinaguriang "hari ng komedya" dahil sa kanyang kahusayan sa pagganap sa kanyang mga proyekto. Una nyang naging proyekto ay Sa Isang Sulyap Mo, sabi sa akin ng mga tambay dyan sa kanto dahil hindi ko naman yon naabutan. Sabi din ng kapit-bahay namin produksyon daw yon ng sampaguita picture. July 10, 2012, masamang balita ang kumalat agad sa internet at telebisyon. Hindi na kinaya ng kanyang katawan ang mga sakit na dinadala nya. Sa una hindi ako naniniwala sa mga balitang kumakalat na ganyan. Pagbukas ko ng tv puro sya ang balita at laman nito. Nagulat ako konti dahil ang alam ko ay bumubuti na sya sabi sa mga balita. Sabi sa balita daw. Sabi ng mga socially concerned citizen madalas daw pabalik-balik sa hospital ang hari ng komedya dahil sa pabalik-balik nyang Pneumonia na naging Pneumonia Chornic Obstructive Disease na nauwi sa Multiple Organ Fa
Magbasa nang higit pa