Ma-Emong Bati Para sa Tanging Ina Nating Lahat

Ang bawat letrang binibigkas mo ay nagbibigay kulay upang humakbang kami na na-aayon sa galaw ng reyalidad na nagbabalanse sa ikot ng mundo kasabay ang pabago-bagong mukha.

Ang bawat galaw o kilos mo kasama ang pagkapit ng iyong kamay sa amin ay nagsisilbing kaisipan upang masagot ang katanungang kapiling sa pang araw-araw na gawain upang kumilos ng nararapat sa mundong puno ng iba't-ibang isla.

Ano nga ba ang Mother's Day?

Isang araw na kung saan ay binibigyang pahalaga o pasasalamat ang isang magulang o Nanay. Sa iba't-ibang pamamaraan. Depende kung paano ang atake sa pagbati. Basta't mapasalamatan at mabigyan ng simpleng ngiti ang magulang na hindi maaring tapatan ng kahit na anong matiryal na bagay. Ngiting aabot sa taenga at magsisilbing simbolo ng tuwa at pagmamahal.

Nanay, Ina, Inang Mother, Mama, Mommy, Mhie, Mah, Mamita, Mother- madaming tawag ngunit iisa lang ang chicks ng buhay. May iba't-ibang babae mang makilala o makasama, hindi mapapalitan ang nag-iisang Chicks nating lahat at Tanging Ina nating lahat.

Buong puso at pagmamahal ng Ina ay ibinuhos sa atin upang magkaroon tayo ng konkretong pagkatao at makatayo ng tuwid. Lahat ng sa kanila ay ibinibigay sa atin para sa atensyong kinakailangan.

Ang bawat luhang tumutulo sa atin ay pilit nilang sinasalo ng buong-buo na walang tapon kahit na isang patak.

Kaya naman sinusulit ko na ang araw na ito upang batiin ang lahat ng Nanay sa buong mundo ng Happy Mother's Day. Araw niyo ito! Araw ng pasasalamat sa tagumpay sa ilang taong pag-aalaga at kami ang TROPEYO ninyo. Tropeyong hindi maangkin ng iba, kahit minsa'y hindi mawawala sa tabi at laging nandyan  upang pangitiin ng abot taenga.

Salamat sa walang sawang pag-alala, pag-aruga at sakripisyo sa madaming taong pagbuhat sa amin sa aming kina-uupuan.

MARAMING SALAMAT!

SALUDO KAMI SA INYO!

HAPPY MOTHER'S DAY pfoewsz! Pa-burger ka naman! Burger! burger! Burger!